Претседателката на Европската централна банка (ЕЦБ) Кристин Лагард им порача на членовите на Европскиот парламент дека инфлацијата се намалува и дека намалувањето на каматните стапки има ефект.
Таа, исто така, предупреди на трговските ризици и потребата да се зајакне европската финансиска автономија со дигитално евро.
Повеќето показатели сугерираат дека инфлацијата се движи одржливо кон нашата цел. „Сепак, ние не се обврзуваме на некоја конкретна идна траекторија на каматните стапки“, им рече таа на европските парламентарци. Таа додаде дека глобалните трговски бариери може да ги нарушат тековните инфлациски трендови.
Таа ја истакна потребата од дигитално евро, пренесува Euronews, бидејќи тоа ќе ја намали зависноста на европскиот платен систем од надворешни даватели на услуги за дигитално плаќање и ќе ја зголеми финансиската отпорност.
„Платежниот систем е столб на нашата економија и не можеме да си дозволиме да бидеме претерано зависни од странски даватели на услуги“, рече претседателот на ЕЦБ.
Лагард повика и на забрзување на интеграцијата на пазарот на капитал бидејќи тоа ќе ги поттикне инвестициите, ќе го поттикне технолошкиот развој и ќе го поддржи економскиот раст.
„Со вистинската рамка, Европа може да мобилизира широка штедна база за финансирање на сопствениот напредок во иновациите и технологијата“, вели Лагард.