Продажбата на американскиот гигант за електрични возила Tesla во Европа падна за 45,2% во јануари на годишно ниво, покажаа податоците на Европската асоцијација на производители на автомобили (ACEA).
Tesla продал 9.945 возила во јануари, покажува извештајот на ACEA, во споредба со 18.161 единици во истиот месец минатата година, вклучувајќи ги Европската унија, Европската асоцијација за слободна трговија (ЕФТА) и Обединетото Кралство, јавува Anadolu Agency.
Само во ЕУ, продажбата на Tesla падна за 50,3% на 7.517 единици во јануари 2025 година во споредба со истиот месец минатата година.
Во меѓувреме, продажбата на електрични автомобили се зголеми за 34% до 124.341 единици во ЕУ и 37,3% во ЕУ, ЕФТА и Велика Британија заедно.