Управниот совет на Европската централна банка (ЕЦБ) денеска одлучи да ги намали трите клучни каматни стапки за 25 базични поени, со што стапката на депозити сега е 2,5 отсто, каматната стапка на операциите за главно рефинансирање е 2,65 отсто, а каматната стапка на маргиналниот кредитен капацитет е 2,9 отсто.
Овие промени, кои се во согласност со очекувањата на пазарот, ќе стапат на сила на 12 март, а добиените информации покажуваат дека процесот на постепен пад на инфлацијата е „на добар пат“, се вели во соопштението.
Монетарната политика станува значително помалку рестриктивна, намалувајќи ги трошоците за задолжување за претпријатијата и домаќинствата.