Доколку планирате патување во земјите од Европската унија во 2025 година, дознајте кои се правилата за туристите. Од туристичките такси во Португалија до забраните на Airbnb во Шпанија, ви донесуваме преглед на сите правила кои можат да влијаат на вашето патување.
Патувањето во Европската унија во 2025 година ќе биде покомплексно од претходно, со построги правила и дополнителни трошоци. Пред да одите на одмор, проверете ги локалните прописи за да избегнете непријатни изненадувања.
Дали Шпанија навистина ги забранува туристите?
Шпанија се соочува со проблем на надтуризам. Иако некои мерки се нарекуваат „забрана за туризам“, тие повеќе се насочени кон нејзино регулирање. Популарните дестинации како Мајорка, Тенерифе и Барселона воведуваат ограничувања на бројот на туристи и правила за изнајмување сместување.
Апартманите на Airbnb сè уште се достапни, но лиценците се одземаат за оние кои се регистрирани по февруари 2024 година без посебен влез. Градовите како Малага и Барселона воведуваат построги регулативи, додека Мадрид и Аликанте спроведуваат дополнителни ограничувања.
Патниците што изнајмуваат сместување или автомобили ќе мора да остават повеќе информации – вклучувајќи адреса, телефонски број и е-пошта – поради новите правила.
Ограничувања на бројот на туристи во Европската Унија
Европските градови сè повеќе го регулираат бројот на посетители. Посебно се погодени крстарењата – Ибица и Барселона го ограничуваат бројот на бродови што можат да се закотват во исто време.
Најпосетуваните атракции воведуваат квоти:
Акропол, Атина – 20.000 посетители дневно
Помпеја – 20.000 посетители дневно од 2025 година
Колосеум, Рим – 3.000 посетители одеднаш
Плаза де Еспања, Севиља – можна влезница од 3-4 евра
Spiaggia Rosa, Сардинија – затворена за туристи од 1998 година
Исто така, одредени однесувања се забранети – во Прага непожелни се костимирани ергени и момински забави, додека во Рим се изрекуваат казни за оние кои се шетаат без кошули или оставаат „љубовни катанци“ на мостовите.
Колку е туристичката такса во Европа?
Многу европски градови воведуваат нови правила за туристите или ги зголемуваат туристичките такси:
Грција
8 € по лице на ден (56 € за една недела)
Дополнителна „Еколошка такса“ до 10 € за ноќевање
Сезонски попусти: од ноември до март таксата е само 2 € на ден
Крстарење: 20 евра за Санторини и Миконос, 5 евра за други дестинации
Португалија
26 општини веќе наплатуваат такса
Лисабон, Мадеира и Фаро – 2 € за ноќевање
Азорите воведуваат данок од 2025 година: 2 евра по лице
Шпанија
Барселона: 4 € градски данок + регионален данок
Крстарење подолго од 12 часа: 6,25 евра
Балеарски Острови: еколошка такса до 4 € на ден
Гран Канарија (Моган): нов данок од 0,15 евра по ноќ
Валенсија и Мадрид планираат да воведат данок
Италија
Рим: 3-7 € за ноќевање
Милано: 2-5 € за ноќевање
Фиренца: 1-5 € за ноќевање
Венеција: 5-10 евра за еднодневни посети (потребна е потврда QR)
Париз, Амстердам, Единбург
Париз: 1,95 евра (кампови) до 15,60 евра (луксузни хотели)
Амстердам: данокот се зголеми на 12,5% од цената за сместување, а Единбург планира да ја воведе првата градска туристичка такса во Велика Британија, пренесува Б92.