Економијата на еврозоната порасна повеќе од првично проценето на крајот на минатата година, пред сè благодарение на потрошувачката на домаќинствата и деловните инвестиции, покажуваат објавените податоци на Евростат.
Бруто домашниот производ во четвртиот квартал е зголемен за 0,2 отсто во однос на претходните три месеци.
Конечниот резултат беше ревидиран нагоре од првичната проценка за раст за 0,1 отсто.
Како што се наведува, потрошувачката на домаќинствата во еврозоната во четвртиот квартал од 2024 година квартално се зголемиле за 0,6 отсто, државните расходи за 0,9 отсто, а инвестициите за 0,6 отсто.
Спротивно на тоа, извозот и увозот во еврозоната паѓаа за 0,1 отсто секој квартал.
Германија и Франција, најголемите економии во еврозоната, забележаа квартален пад, при што германскиот БДП падна за 0,2 отсто, а францускиот БДП за 0,1 отсто.
Управниот совет на Европската централна банка (ЕЦБ) во четвртокот одлучи да ги намали трите клучни каматни стапки за 25 базични поени, така што стапката на депозитите сега е 2,5 отсто, каматната стапка на операциите за главно рефинансирање е 2,65 отсто, а каматната стапка на маргиналниот кредитен капацитет е 2,9 отсто.
Прогнозите за економскиот раст на еврозоната беа истовремено ревидирани надолу на 0,9 отсто за 2025 година и 1,2 отсто за 2026 година, како одраз на слабиот извоз и инвестиции.
Банката прогнозира дека просечната инфлација во еврозоната ќе биде 2,3 проценти и ќе падне на 1,9 проценти во 2026 година, пред малку да се зголеми на два проценти во 2027 година.
Прогнозата за 2025 година е ревидирана нагоре од претходната проценка поради посилната динамика на цените на енергијата, се додава на веб-страницата на Европската централна банка.