Цените на батериите за електричните возила постојано паѓаат, а клучот е во побарувачката, која расте. Според студијата на Меѓународната агенција за енергетика (ИЕА), минатата година светот за првпат побарал повеќе од еден терават час капацитет на батеријата, од кои 85 отсто биле искористени во електричните автомобили. Што е уште поважно, просечната цена на батериите падна под границата од 100 долари за kWh, поттикната од пониските цени на суровините, како што е литиумот, и техничкиот напредок во производството. Падот на трошоците, како што се очекуваше, е најголем во Кина, каде се 20 до 30 отсто поевтини отколку во Европа.
Повеќе од 70% од батериите за електрични возила се произведени во Кина, а главни производители се BYD и CATL. Кинескиот батериски систем ги покрива сите чекори на синџирот на снабдување, од ископување и рафинирање на минерали до опрема за производство на батерии, прекурсори и други компоненти, како и финално производство на батерии и електрични возила. Кинеските производители фаворизираат литиум железо фосфат (LFP), поевтина хемија на батерии, пренесува Ревија ХАК.