Европската унија треба да ги промени прописите за финансирање чисти технологии за да му помогне на банкротираниот шведски производител на батериски ќелии Нортволт да најде нов сопственик, изјави шведскиот вицепремиер Еба Буш.
Во ноември американската компанија побара заштита од доверителите и најави реструктуирање, наведувајќи дека ги исцрпиле своите финансиски капацитети, при што извршниот директор во заминување Ларс Ериксон процени дека им се потребни 1,2 милијарди долари за нормализирање на работењето.
Минатата недела тие прогласија банкрот и во нивната родна земја Шведска, со што им зададоа тежок удар на амбициите на Европската унија да се натпреварува со Кина.
Меѓу сопствениците на Нортволт се Фолксваген, американската банкарска компанија Голдман Сакс и шведскиот производител на камиони Сканија и осигурителот Фолксам.
Во септември, шведскиот премиер Улф Кристерсон објави дека државата нема да и помогне на компанијата која се бори со преземање на сопственички удел, и покрај нејзината важна улога во зелената транзиција.
„Нашата цврста одлука, без никакво сомневање, е дека Шведска треба да биде добро место за нова технологија, потребна за зелената транзиција, но тоа не значи дека државата треба да се вклучи и да преземе удел“, рече тогаш Кристерсон, додавајќи дека развојот на групата е работа на сопственикот.
Во понеделникот, вицепремиерката на Шведска, по состанокот со еврокомесарот за индустрија Стефан Сејурне, објасни како го повикала Брисел да ги прилагоди условите за поддршка на проекти за чиста технологија за да му помогне и на Нордволт.
„Време е да се префрлиме од зборови на дело и да се донесе одлука за финансирање оваа пролет“, рече Буш.
Поддршката може да биде „клучна“ за опстанокот на Нортволт во „тешките стечајни постапки, со нов сопственик“, кој ќе ги анализира и условите и можностите за „одржлива конкуренција“ за Нортволт на европскиот пазар, додаде таа.
Европската комисија не одговори веднаш на барањето на Ројтерс за коментар за изјавата на шведскиот претставник.