Италијанскиот производител на луксузни автомобили Ламборџини денеска објави дека во 2024 година ги забележал своите најдобри резултати досега во однос на приходите од продажба, оперативниот профит и испораките.
Ламборџини, дел од групацијата Фолксваген, минатата година забележа раст на приходите за 16 отсто на повеќе од три милијарди евра, додека оперативната добивка скокна за 15,5 отсто на 835 милиони евра, со што за прв пат го надмина прагот од 800 милиони евра.
Продажбата беше исто така рекордна, бидејќи Lamborghini испорача 10.687 автомобили во 2024 година, што е за 5,7 отсто повеќе од претходната година.