Организацијата на земјите извознички на нафта и нејзините придружни членки (ОПЕК плус) најавија дека од мај ќе го зголемат производството за 411.000 барели дневно, што е вест што го продлабочи падот на цената на нафтата на светските берзи.
Првично се очекуваше ОПЕК Плус да го зголеми производството за само 135.000 барели дневно, но нафтениот картел сепак ги надмина очекувањата и наведе дека мајскиот пораст и уште две дополнителни месечни зголемувања се вклучени во конечната бројка, пренесува Ројтерс.
На состанокот на ОПЕК плус учествуваа осум земји, Русија, Саудиска Арабија, Обединетите Арапски Емирати, Кувајт, Ирак, Алжир, Казахстан и Оман.
Нов состанок на ОПЕК плус, на кој ќе се одлучува за производството на нафта во јуни, ќе се одржи на 5 мај, се наведува на веб-страницата на ОПЕК.
Фото: Pixabay