Продажбата на електричните возила (ЕВ) на Tesla во Европа драстично падна, при што бројот на регистрации се намали за дури 75 отсто во некои земји помеѓу јануари 2024 и јануари 2025 година, покажуваат новите податоци.
Тој остар пад доаѓа и покрај севкупниот раст на продажбата на електрични автомобили на континентот, дополнително нагласувајќи ја загубата на доминацијата на Tesla на еден од нејзините клучни пазари.
Пад во повеќето големи европски земји
Инфографикот покажува значителен пад на регистрациите на Tesla во повеќето европски земји: Шпанија -75%, Франција -63% и Германија -59%. Значителен пад е забележан и во Шведска (-46%), Данска (-41%) и Холандија (-42%). Дури и традиционално силните пазари како Норвешка (-40%) и Обединетото Кралство (-18%) доживеаја значителни загуби.
Овие податоци се согласуваат со извештаите дека пазарниот удел на Tesla во Европа падна од 18,4% на почетокот на 2024 година на само 7,7% на почетокот на 2025 година. Во јануари и февруари, бројот на регистрации на возила на Tesla се намали за речиси 50%, додека вкупната продажба на електрични возила се зголеми за 31%.
Моделите се застарени, конкуренцијата ја гази Тесла
Постојат различни причини за падот на продажбата на Tesla низ Европа. Еве некои од клучните:
Водечките модели на Tesla, вклучувајќи ги и Model 3 и Model Y, се соочуваат со силна конкуренција од поновите и поевтини електрични возила и од етаблирани производители и од кинески брендови. Моделот Y, некогаш топ-продавач, забележа пад на регистрациите за повеќе од 50% додека клиентите ја чекаат неговата освежена верзија.
Фото: Printscreen