Турција би можела да профитира од американските царини, според турските министри и економисти.
Турција е погодена од американска основна царина од 10%, во споредба со повисоките царини за многу други земји, што ја зголемува можноста Анкара да го искористи тарифниот режим.
Министерот за финансии Мехмет Шимшек рече дека фокусот на земјата на домашната побарувачка наместо на извозот ќе значи поограничено влијание врз економијата.
– Турција има договори за слободна трговија со вкупно 54 земји надвор од САД и ЕУ – рече тој и додаде дека 68 отсто од турскиот извоз оди во овие земји.
Турција има царински договор со Европската унија со кој се отстрануваат трговските ограничувања.
Шимшек рече дека „релативно ниската царина може да и даде на Турција компаративна предност во некои сектори“.
Турскиот извоз во САД изнесуваше 16,7 милијарди долари во 2024 година, а од САД Турција увезува стоки и услуги со слична вредност, покажуваат податоците на Канцеларијата на трговскиот претставник на САД.
Ова ниво е пониско од извозот во ЕУ, за кој турскиот претседател Реџеп Таип Ердоган рече дека минатата година достигнал 108,7 милијарди долари.
Турција, сепак, може да го искористи новото глобално трговско опкружување во своја полза.
– Многу производство ќе мора да се премести, а сликата што ја слика Трамп им кажува на сите да ги преиспитаат своите синџири на снабдување. Турција, со својата силна производствена база и близината до ЕУ, е во единствена позиција да ја искористи оваа реорганизација – рече Џан Селчуки, од научниот институт Истанбул Економис Рисрч.
Фото: Pixabay