Загрепската полиција заврши со кривичната истрага против 33-годишен Хрват, осомничен за организирање нелегално вработување на странци, меѓу кои и Македонци, кои биле вработени како таксисти. Осомничениот користел фалсификувани документи, дозволи за престој и работа, за да ги регистрира странските работници на такси платформи. Истрагата открила дека оваа мрежа оперирала од март 2024 до јануари 2025 година, а во неа биле вклучени работници од земји како Индија, Пакистан, Турција и Македонија.
Истрагата ја спровеле полициски службеници на Полициската управа во Загреб во соработка со Одделот за криминалистичка полиција, Службата за организиран криминал, Одделот за криминалистичка полиција, Државниот инспекторат и Општинското кривично државно правобранителство во Загреб.
Според информациите од полицијата, осомничениот од март 2024 година до крајот на јануари 2025 година како одговорно лице на трговско друштво со седиште во Загреб прибавил најмалку 130 фалсификувани јавни исправи. Станува збор за дозволи за престој и работа и лични карти за државјани на трети земји – Индија, Непал, Турција, Северна Македонија, Пакистан и Бангладеш.
Не пријавил 50 работници.
Овие фалсификувани документи ги користел како вистински така што ги прикачувал на дигиталните профили на возачи што ги креирал на платформите на трговските компании, преку кои странски државјани ги извршувале работните места на таксисти – несвесни дека нивните документи се всушност лажни.
Во истиот период се сомнева дека осомничениот вработил најмалку стотина лица кои нелегално престојувале на територијата на Република Хрватска. Со оглед на тоа што не потекнуваат од земји членки на Европската унија, овие работници немаат право на слободно движење и престој во ЕУ, а биле вработени како таксисти преку уште две трговски друштва.
