Царинските политики на американскиот претседател Доналд Трамп ќе имаат ефект врз светската економија и ќе предизвикаат значително успорување на економскиот прогрес оваа година, но без да се премине во рецесија, рече генералната директорка на Меѓународниот монетарен фонд (ММФ), Кристалина Георгиева.
И покрај неизвесноста предизвикана од комерцијалната политика, „нашите проекции за раст се во голема мера намалени, но не укажуваат на рецесија“, изјави Георгиева во своето вообичаено обраќање пред пролетните средби на ММФ и Светската банка.
Средбите започнуваат идната седмица, кога меѓународните финансиски институции ќе ги претстават своите освежени предвидувања за глобалната економија.
Трамп имплементираше давачки од најмалку 10 проценти за сите производи кои влегуваат во САД почнувајќи од 5 април, и до 145 проценти за кинески производи, покрај веќе постоечките давачки воведени пред неговото повторно враќање во Белата куќа.