Трите струмички акционерски друштва – Герас Цунев Конфекција АД, Герас Цунев Трговија АД и Оранжерии Хамзали АД – добија јавна опомена од Македонската берза АД Скопје, поради непочитување на обврските утврдени со берзанските правила.
Согласно објавата од Берзата, опомената е изречена поради необјавување на целосните материјали за седницата на собранието на акционери во предвидениот рок – два работни дена по свикувањето на собранието. Со тоа, друштвата го прекршиле член 39, став 5 од Правилата за котација на Македонската берза, кои важат за компании котирани на Официјалниот пазар, подсегмент Задолжителна котација.
Оваа мерка претставува дел од регулаторниот механизам на Берзата за обезбедување транспарентност и навремено информирање на инвеститорите, а таа носи и репутациски ризици за компаниите, особено во очите на акционери и потенцијалните инвеститори.
