Федерацијата на германски индустрии (BDI) го критикуваше договорот поврзан со царинскиот спор меѓу Европската Унија и САД, велејќи дека испраќа катастрофален сигнал до економиите.
„Договорот е несоодветен компромис и испраќа катастрофален сигнал до тесно поврзаните економии од двете страни на Атлантикот“, соопшти здружението со седиште во Берлин во неделата вечерта.
Во соопштението се наведува дека ЕУ прифаќа болни царини, очекувајќи дека дури и царинска стапка од 15 проценти ќе има значителни негативни последици.
„Единствениот позитивен аспект на овој договор е што засега е избегната понатамошна ескалација“, се вели во соопштението за медиумите на BDI.
Сега е клучно договорот да стане обврзувачки, според здружението, објаснувајќи дека компаниите од двете страни на Атлантикот имаат потреба од сигурност кога станува збор за синџирите на снабдување и инвестициите.
„Дополнителен удар“ е отсуството на договор за извоз на челик и алуминиум, според BDI.