Франција, Италија и Шпанија примаат голем број посетители од Русија, пишува британскиот „Телеграф“, кој имал пристап до податоци за визи и резервации од неколку земји од ЕУ.
Според овие податоци, бројот на ноќевања на руските туристи во Франција и Италија се зголемил за повеќе од 19 проценти само во текот на минатата година. Исто така, Шпанија повторно е меѓу најпопуларните дестинации за руските туристи.
На меѓународниот аеродром Шереметјево на периферијата на Москва, луѓето чекаат летови.
Руските граѓани добија вкупно повеќе од 550.000 шенген визи во 2024 година – зголемување од девет проценти во споредба со претходната година. Најактивни беа: Италија со повеќе од 152.000 издадени визи, по што следуваат Франција (околу 124.000) и Шпанија (111.000), пишува „Телеграф“.
Украинските дипломати реагираа со остри критики – Во средината на агресивната војна против Украина, крајно е изненадувачки што земјите од ЕУ издаваат уште повеќе туристички визи на руски граѓани – рече Всеволод Ченцов, украински амбасадор во ЕУ. Тој предупреди на безбедносните ризици и потсети дека Русија сè повеќе се потпира на хибридна војна – вклучително и агенти преправени како туристи.
Во средината на агресивната војна против Украина, крајно е изненадувачки што земјите од ЕУ издаваат уште повеќе туристички визи на руски граѓани.