Германскиот производител на автомобили „Ауди“ размислува за изградба на својата прва фабрика во Соединетите Американски Држави со цел да ги намали последиците од царините што ги воведе американскиот претседател Доналд Трамп врз стоките од Европската Унија, дознава „Ханделсблат“, повикувајќи се на анонимни информирани извори.
Според изворите на весникот, „Ауди“ би можел да изгради фабрика во градот Чатануга во американската држава Тенеси, каде што веќе се наоѓа фабриката на неговата матична компанија „Фолксваген“.
Таквото решение би овозможило значителни заштеди на време и трошоци, бидејќи „Фолксваген“ би ја обезбедил инфраструктурата и градежните планови.