Просечната цена по квадратен метар на новоизграден стан во Црна Гора во вториот квартал изнесувала 2.200 евра, покажуваат податоците на Монстат.
Статистичарите наведоа дека просечната цена по квадратен метар на новоизграден стан во Подгорица изнесувала 2.110 евра, во приморскиот регион 2.330 евра, во централниот регион 1.070 евра, додека во северниот регион 1.550 евра, објавува Мина.
Просечната цена по квадратен метар на стан во нова зграда во голема мера зависи од учеството на становите што припаѓаат на категоријата солидарна станбена изградба.
„Доколку учеството на овие станови е поголемо, просечната цена на стан во нова зграда ќе биде значително помала, односно ако учеството е помало, просечната цена ќе биде повисока“, се наведува во соопштението.
Просечната цена по квадратен метар на стан во нова зграда во Црна Гора во категоријата компании во вториот квартал изнесувала 2.200 евра, додека во категоријата солидарна станбена изградба не е евидентирана продажба на станови во нови згради.
Монстат објасни дека при пресметката на просечната цена по квадратен метар на стан во нова зграда се земаат предвид само становите што се продадени за прв пат на пазарот, односно за кои за прв пат е склучен договор за продажба.
Предмет на набљудување на ова истражување не се станови од стариот станбен фонд, ниту други видови недвижности: деловни згради, земјиште и слично. Истражувањето не ја одразува понудата и побарувачката на нови станови на пазарот, туку цените пресметани врз основа на склучени договори за продажба.