Според „Форбс“, Мурат Улкер, најбогатиот човек во Турција, има богатство од 5,5 милијарди долари во 2025 година. Тој е претседател на „Јилдиз Холдинг“, најголемата прехранбена компанија во регионот на Централна и Источна Европа, Блискиот Исток и Африка, која изгради глобална империја базирана на брендови кои се познати на речиси секое домаќинство.
Компанијата е сопственик на познатата турска „Улкер“, како и на престижниот белгиски производител на чоколади „Годива“, како и на британскиот производител на бисквити „МекВитис“. Со годишни приходи од приближно 13,5 милијарди долари и повеќе од 80.000 вработени, „Јилдиз Холдинг“ се рангира како втор најголем производител на бисквити во светот и седми по приходи во сегментот на чоколадо.
Улкер го зајакна своето проширување со стратешки аквизиции – купувањето на Godiva во 2008 година и United Biscuits во 2014 година. Само две години подоцна, во 2016 година, сите овие дивизии беа споени во новата глобална компанија pladis, со седиште во Лондон, која денес е еден од водечките играчи на светскиот пазар на слатки и грицки.
Кога ќе се соберат сите податоци, јасно е дека Мурат Улкер не е само најбогатиот Турчин, туку и бизнисмен кој ја стави Турција на мапата на најголемите светски прехранбени сили. Неговото богатство се мери во милијарди, а неговите производи – во милиони насмевки низ целата планета.