Хакан Самуелсон е повикан од пензија да го води Волво низ еден од неговите најпредизвикувачки периоди. Соочен со разочарувачка продажба, софтверски грешки, доцнења во клучните нови модели, па дури и закана од забрана за продажба во САД, Ли Шуфу, милијардерот зад кинескиот Geely Automotive Holdings, мнозинскиот сопственик на Волво, се обрати кон 74-годишниот Швеѓанец, кој претходно го водеше Волво речиси една деценија.
Враќајќи се на чело на компанијата од април, Самуелсон разговараше со Блумберг за задачата за оживување на шведскиот бренд, но исто така истакна дека не сите западни брендови ќе го преживеат преминот кон електрични автомобили. Меѓу другото, тој рече:
– Ќе се појават нови доминантни играчи, исто како Форд, Џенерал Моторс, Тојота и Фолксваген во стариот свет. Во новиот свет ќе има два или три многу силни кинески брендови. Тоа ќе го отежни просторот за старите брендови. Значи, ќе предизвика (бран) на реструктуирање. Некои компании ќе се прилагодат на новите околности и ќе преживеат. Други нема – Самуелсон е песимист.
Конечно тој рече:
– Индустријата ќе биде електрична, нема враќање назад. Можеби ќе потрае малку подолго во некои региони, но насоката е јасна. За (околу) 10 години, сите автомобили ќе бидат електрични и ќе бидат поевтини.