Автомобилскиот експерт Фердинанд Дуденхефер очекува дополнителни 100.000 работни места загубени кај добавувачите на германската автомобилска индустрија, откако беше објавено дека 13.000 работници во мултинационалната компанија се отпуштени.
Дуденхефер предупредува дека средните и малите добавувачи, како и компаниите од областа на машинството, ќе бидат погодени. – По производителите на автомобили, на ред се големите добавувачи. Индустријата се заканува да ги изгуби работните места како домино – изјави тој за германските медиуми.
Неконкурентност и високи трошоци
Шансите отпуштените работни места да бидат вратени во Германија се речиси нула.
– До 2030 година очекуваме губење на околу 100.000 работни места во секторот на добавувачи. Не се исклучени банкроти кај малите и средните добавувачи – предупредува експертот.
Според неговите пресметки, 834.000 луѓе биле вработени во автомобилската индустрија и добавувачи во Германија во 2019 година, додека во август 2025 година тој број се намалил на 720.000 вработени.
– Германија е премногу скапа и неконкурентна. Го потрошивме нашиот просперитет – заклучува Дуденхефер, објавува списанието Fenix-magazine.
Значи, за помалку од шест години, индустријата изгуби 114.000 работни места, што претставува пад од 14%.
