Американските универзитети како што се Харвард, Стенфорд и Пенсилванија се предводници во создавањето милијардери меѓу нивните поранешни студенти.
Поголемиот дел од богатството доаѓа од технолошки стартапи и претприемачки потфати (на пр. Microsoft, Google, DoorDash, Baidu).
Инфографик од Visualcapitalist.com ги рангира институциите според бројот на милијардери меѓу нивните поранешни студенти, истакнувајќи ја доминацијата на Соединетите Американски Држави и растечката улога на азиските универзитети. Податоците доаѓаат од истражувањето на Салас Дијаз и Јанг (2024). Студијата е објавена во септември 2024 година, но податоците се собрани во март 2021 година.
Харвард: Централна точка на милијардерите
Вкупно, Харвард „произвел“ 125 милијардери, со проценето вкупно богатство од речиси 600 милијарди долари. Универзитетот е на врвот на листата, дури и без да се сметаат имиња како Бил Гејтс и Марк Цукерберг, кои студирале таму, но никогаш не дипломирале.
Универзитетот Стенфорд, благодарение на своите длабоки врски со Силиконската долина, меѓу своите милијардери ги вбројува коосновачот на „Јаху“, Џери Јанг, и коосновачот на „ДорДаш“, Енди Фанг. Универзитетот во Пенсилванија го школувал Илон Маск, извршниот директор на „Тесла“. Универзитетот Колумбија го вбројува Ворен Бафет, легендарниот инвеститор зад „Беркшир Хатавеј“, меѓу своите најзначајни поранешни студенти, додека МИТ, исто така, ги обликувал лидерите во технологијата и индустријата, вклучувајќи го и Чарлс Кох од „Кох индустрис“.
САД наспроти Азија: Префрлање на моќта во тек
Иако американските универзитети сè уште доминираат на врвот на листата, податоците од „Салас Дијаз и Јанг“ покажуваат дека азиските институции брзо напредуваат.
Универзитетот во Мумбаи, Универзитетот Цингуа, Пекиншкиот универзитет и Националниот универзитет во Сеул сега се меѓу првите 20 по број на милијардери-дипломци. Ова поместување се совпаѓа со растечката азиска економија, повисоките стапки на претприемништво и зајакнувањето на домашните пазари на капитал.
На пример, Пекиншкиот универзитет, еден од најпрестижните во Кина, го вбројува Робин Ли, коосновач на Баиду, меѓу своите милијардери. Слично на тоа, Мукеш Амбани, претседател на „Рилианс индастрис“ и најбогат човек во Индија, студирал хемиско инженерство на Универзитетот во Мумбаи.
Фото: Pixabay/Visualcapitalist