Рускиот енергетски гигант „Газпром“, преку својата подружница „Газпром Тех“, стекна контролен удел од 51 процент од акциите во производителот на луксузни автомобили „Аурус“, познат по лимузината „Сенат“ што ја користи рускиот претседател Владимир Путин.
Два анонимни извори ја соопштија оваа информација на „Ведомости“, а упатен извор од компанијата „Аурус“ ја потврди веста.
Вредноста на оваа трансакција се проценува на приближно 12 до 13 милијарди рубљи, или просечна вредност од околу 135 милиони евра.