Европските берзански индекси денес се претежно малку во пораст, цените на нафтата и пченицата се во пад, додека најновите економски податоци од Соединетите Американски Држави сугерираат дека Федералните резерви наскоро ќе ги намалат каматните стапки.
Федералните резерви на САД ќе одлучуваат за каматните стапки на 9 и 10 декември, а по најновите објавувања на податоци, пазарите проценуваат дека веројатноста за намалување на каматните стапки е речиси 85 проценти, објавува CNBC.
Денес во 9:30 часот наутро, индексот DAX на Франкфуртската берза порасна за 0,53 проценти на 23.597,12 поени, францускиот CAC 40 за 0,65 проценти на 8.077,65 поени, британскиот FTSE 100 за 0,28 проценти на 9.635,96 поени, додека московскиот MOEX падна за 0,41 процент на 2.674,89 поени.
Вредноста на американскиот берзански индекс Dow Jones порасна за 1,43 проценти на 47.112,45 поени, вредноста на индексот S&P 500 за 0,91 процент на 6.765,88 поени, а вредноста на индексот Nasdaq за 0,67 проценти на 23.025,59 поени.
Европските фјучерси за гас за декември беа продадени денес на отворањето на берзата TTF по цена од 29,5 евра за мегават-час.
Според моменталните податоци од берзата, цената на суровата нафта падна на 57.856 долари, а цената на нафтата Брент на 62.416 долари.
Цената на златото се искачи на 4.164,18 долари за унца, додека цената на пченицата падна на 5,2506 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,15778 долари, што е за 0,06 проценти повисока отколку на почетокот на тргувањето.