Најбогатата жена на планетата е Алис Волтон, ќерка на основачот на Волмарт, Сем Волтон. Од 1 ноември 2025 година, нејзиното богатство се проценува на 110 милијарди долари, што ја прави 15-та во светот.
Нејзиното богатство доаѓа од наследен удел во Волмарт, кој го добила од нејзиниот татко. Нејзините браќа Роб, Џим и Џон (починал во 2005 година), исто така, наследиле сопственички удели. Вдовицата на Џон, Кристи Волтон, и нивниот син Лукас Волтон, ги наследиле акциите на Џон. И двајцата сè уште се на листата на милијардери на Форбс.
Шест од 10-те најбогати луѓе на планетата забележаа промена на позицијата на листата на милијардери на Форбс за време на бурниот октомври за најбогатите луѓе во светот.
Во октомври, Илон Маск накратко стана првата личност во историјата чие богатство надмина 500 милијарди долари (по втор пат). Но, месецот заврши со малку помала сума. Се проценува дека неговото богатство сега е 497 милијарди долари, што е за 6 милијарди повеќе отколку на 1 октомври. Сепак, најбогатиот човек во светот успеа да ја зголеми својата предност пред второпласираниот Лари Елисон за 28 милијарди долари, на вкупно 177 милијарди долари.
Додека акциите на Тесла на Маск пораснаа за 3% во октомври, акциите на Оракл, во сопственост на Лари Елисон, паднаа за 7%. Тоа го намали богатството на софтверскиот гигант за 22 милијарди долари. Сега се проценува дека вреди околу 320 милијарди долари. Во средината на септември, Елисон накратко стана само втората личност во историјата чие богатство надмина 400 милијарди долари.
