Десет големи европски банки постигнаа договор за создавање нова стабилна криптовалута поврзана со еврото преку заедничкото вложување Кивалис за изградба на алтернатива на криптовалутите поврзани со американскиот долар кои доминираат на пазарот.
Кивалис, со седиште во Амстердам, е поддржан од БНП Парибас, ИНГ, Данска банка и седум други финансиски организации, а целиот проект ќе биде под надзор на холандската централна банка и ќе работи во согласност со новата регулатива на ЕУ за криптовалути (MiCA), објавува EU Observer.
Се очекува новата криптовалута да биде воведена во втората половина на 2026 година, но засега не е јасно дали ќе биде достапна за граѓаните или само за финансиските институции и институционалните инвеститори.
