Недостатокот на мемориски чипови, клучен за работењето на центрите за податоци со вештачка интелигенција, ќе продолжи во 2026 и 2027 година, изјави извршниот директор на „Синопсис“, Сасин Гази.
Според него за CNBC, силниот бран инвестиции во инфраструктурата за вештачка интелигенција доведе до тоа поголемиот дел од капацитетот за производство на меморија да биде насочен кон системи со вештачка интелигенција, додека другите сектори, како што се паметните телефони, лаптопите и потрошувачката електроника, беа недоволно снабдени.
Побарувачката за HBM меморија, која стана неопходна компонента на современите сервери со вештачка интелигенција, е особено изразена.