Western Digital и Seagate, двата водечки производители на хард дискови, веќе ги продадоа повеќето од своите залихи за чипови за 2026 година, пишува Heise Online. Counterpoint Research известува дека цената на мемориските чипови се зголемила за 90 проценти помеѓу четвртиот квартал од 2025 година и првиот квартал од 2026 година. Како резултат на тоа, Dell ги зголеми цените на своите персонални компјутери за 15 до 20 проценти, а се очекува и Lenovo да ги зголеми цените, пишува TrendForce News.
Индустријата за чипови повторно е, по големата криза за време на пандемијата на коронавирусот, под голем притисок, а овој пат генератор е растечкиот сектор на вештачка интелигенција, на кој му се потребни огромни количини хардвер за своите центри за податоци. Автомобилската индустрија научи од искуството и сфаќа дека намалувањето на понудата на мемориски чипови е лоша вест.
– Недостатокот на DRAM ќе продолжи во електрониката, телекомуникациите и автомобилската индустрија во текот на целата година. Веќе гледаме знаци на панично купување во автомобилскиот сектор, бидејќи производителите на паметни телефони се свртуваат кон поекономични алтернативи на чипови за да го ублажат влијанието, изјави за Bloomberg аналитичарот на Counterpoint, М.С. Хванг.
Извршниот директор и ко-сопственик на „Тесла“, Илон Маск, се чини дека лансира компанија за чипови за да го ублажи влијанието од нарушувањата на пазарот. Дали нè очекува недостиг од нови автомобили? Времето ќе покаже, многу наскоро…