Во 2025 година, најголемиот јужнокорејски производител на возила, Hyundai Group, успеа да го престигне Volkswagen за прв пат во својата историја и да го заземе второто место во светот, зад неоспорната Тојота.
Оперативната добивка е добивката што се остварува кога ќе се одбијат директните трошоци за производство, како што се суровините, материјалите и работната сила во фабриките, и ќе се одбијат трошоците што не се директно поврзани со производството, како што се изнајмување простории или комунални услуги, објавува РТС.
Групацијата Хјундаи, која покрај Хјундаи Моторс ја вклучува и корејската КИА, акумулираше оперативна добивка од 13,95 милијарди американски долари во 2025 година.
Ова е значително повеќе од 9,7 милијарди долари (или 8,9 милијарди евра) што ги постигна групацијата „Фолксваген“, која, покрај производителот на „Голф“ и „Пасат“, вклучува и познати германски компании како што се „Порше“, „Ауди“, чешка „Шкода“ и шпански „СЕАТ“.
Иако резултатите на американскиот „Џенерал моторс“ не го привлекуваат вниманието на јужнокорејската публика толку колку фактот што „Хјундаи“ ја престигна германската корпорација, која е исто така симбол на квалитет и општествен статус во таа далечноисточна земја, треба да се каже дека гигантот од Детроит се пласираше и пред „Фолксваген“ и со 12,7 милијарди се рангира на третото место во светот по оперативна добивка во 2025 година.
„Тојота“ е далеку пред сите други
Неспорна на светскиот трон е јапонската „Тојота“ со 28,7 милијарди долари оперативна добивка (според тековниот девизен курс), што е двојно повеќе од она што го постигна второпласираниот „Хјундаи“.