Во 2025 година во однос на 2024 година, бројот на овците е намален за 9.2 %, а за 18.5 % е зголемен бројот на свињите, објави Државниот завод за статистика.
Во 2025 година, во споредба со 2024 година, вкупниот број говеда е намален за 0.9 %. Намалување на бројот на говедата е забележано кај индивидуалните земјоделски стопанства.
Бројот на свињите во 2025 година, во споредба со 2024 година, е зголемен за 18.5 %. Кај индивидуалните земјоделски стопанства е забележано зголемување од 35.4 %.
Вкупниот број овци во 2025 година бележи пад од 9.2 %.
Во истиот период, бројот на козите бележи пораст за 3.2 %.
Бројот на живината во 2025 година, во споредба со претходната година, е намален за 10.6 %.
Добиток во 2025 година
- Говеда: 142 715
- Свињи: 212 842
- Овци: 469 320
- Кози: 101 007