Обединетите Арапски Емирати (ОАЕ) соопштија дека ги напуштаат групите ОПЕК и ОПЕК+ на големите земји производители на нафта по речиси 60 години.
ОАЕ изјавија дека одлуката ја одразува нивната „долгорочна стратешка и економска визија и еволуирачкиот енергетски профил“.
Одлуката се смета за удар врз картелот, а еден аналитичар го опишува излегувањето како „почеток на крајот на ОПЕК“.
Министерот за енергија на оваа држава од Персискиот Залив рече дека тоа што е земја без обврски според групите ќе обезбеди поголема флексибилност.
ОАЕ се приклучи на ОПЕК во 1967 година и нивното заминување ќе го остави нафтениот картел со 11 членови.
Саул Кавоник, раководител на енергетските истражувања во MST Financial, рече дека тоа е „почеток на крајот на ОПЕК“.
„Со заминувањето на ОАЕ, ОПЕК губи околу 15% од својот капацитет и еден од своите најпочитувани членови“.
Според најновите бројки од ОПЕК, ОАЕ произведува 2,9 милиони барели нафта годишно. Саудиска Арабија, де факто лидер на ОПЕК, произведува девет милиони барели нафта, пренесува Би-Би-Си.