ЕУ воведува апликација за побрзо преминување на границите. Дали „Патување во Европа“(Travel to Europe) ќе го скрати чекањето на патниците, особено за време на претстојната летна туристичка сезона.
ЕУ воведува нова апликација што би можела да го олесни преминувањето на границите во рамките на системот EEC – каде што веќе е достапна
Европската Унија воведува нова дигитална услуга наречена „Патување во Европа“, која треба да ги забрза и поедностави процедурите за патниците на границите во рамките на новиот систем EEC. Останува прашањето во кои земји веќе е во функција и дали ќе придонесе за пократко чекање, особено за патниците што патуваат во Грција, пренесува РТС.
Од воведувањето на новиот систем EEC, границите кон Европската Унија повеќе не се исти, во пасошите повеќе не се ставаат печати, туку секој влез и излез се евидентира дигитално, со задолжително фотографирање и земање отпечатоци од прсти.
Овој систем е целосно активен на надворешните граници на ЕУ од април и важи и за граѓаните на Македонија. Сепак, наместо очекуваното забрзување, во пракса тоа доведе до поголеми толпи.
Затоа ЕУ ја воведува апликацијата „Патување во Европа“, која е достапна за преземање на платформите Google Play и App Store, а нејзината цел е да ги намали доцнењата и да го забрза протокот на патници на граничните премини. Сепак, засега работи само во Шведска и Португалија.
Патниците можат однапред да ги внесат своите информации, што го намалува времето на границата со избегнување на рачно внесување информации. Сепак, земањето отпечатоци од прсти и проверката на минатото се сè уште задолжителни.
Кога станува збор за Грција, сè уште не е познато дали нивниот систем е компатибилен со оваа апликација, а се очекува конечната одлука да биде позната до 20 мај.