Британската банка Барклис ја зголеми прогнозата за просечната цена на меѓународната референтна нафта Брент за оваа година, од 85 на 100 долари за барел, поради продолжувањето на прекините во транспортот низ Ормутскиот теснец.
Банката вели дека блокадата на виталниот морски пат е сè уште еден од клучните фактори што влијаат на глобалниот пазар на нафта, и покрај сигналите за можни преговори меѓу Иран и Соединетите Американски Држави, пренесува Ројтерс.
Според проценките на експертите на Барклис, светскиот пазар на нафта во моментов бележи дефицит од околу 6,6 милиони барели дневно, а овој дефицит би можел дополнително да расте доколку продолжат прекините во снабдувањето со енергија.