Блумберг објави дека руската рубља стана најсилната валута во светот во однос на американскиот долар, добивајќи околу 12 проценти.
Според агенцијата, во тековниот квартал, рубљата го забележа најдобриот резултат меѓу светските валути во однос на доларот. Се забележува дека од почетокот на април, руската валута продолжи да зајакнува и достигна ниво од 72,6 рубљи за еден долар, што е највисока вредност од февруари 2023 година.
Во текстот се додава дека втора година по ред, руската валута покажува движење кое отстапува од претходните официјални и пазарни прогнози, според кои се очекуваше нејзино слабеење.
Според „Газета.ру“, речиси 60 проценти од плаќањата за увоз од странство сега се вршат во рубли, додека побарувачката за странски валути во земјата останува ниска поради високите домашни каматни стапки и послабиот увоз.