Стапката на вработеност на лицата на возраст од 20 до 64 години во Европската Унија во првиот квартал од оваа година изнесувала 76,3 проценти, што е зголемување во споредба со 76,2 проценти во четвртиот квартал од 2025 година.
Невработеноста на пазарот на трудот – сите лица кои имаат неисполнети потреби за вработување – изнесувала 10,9 проценти од проширената работна сила на возраст од 20 до 64 години во првиот квартал, што е намалување во споредба со 11,0 проценти во четвртиот квартал од минатата година, објави Европскиот завод за статистика – Евростат.
Помеѓу четвртиот квартал од 2025 година и првиот квартал од 2026 година, Италија (+0,5 процентни поени (п.п.)), како и Белгија, Кипар, Литванија, Словачка и Шведска (по 0,4 п.п. секоја), забележаа најголемо зголемување на стапката на вработеност меѓу 11-те земји од ЕУ каде што вработеноста се зголеми.
Стапката на вработеност остана стабилна во шест земји од ЕУ и се намали во уште десет земји од ЕУ, а најголем пад е забележан во Латвија (-0,8 п.п.), Ирска (-0,7 п.п.), како и во Словенија и Финска (по 0,3 п.п. секоја).
