Меѓународното жири на наградата „Версај“ ја објави листата на најубавите аеродроми и патнички терминали во светот за 2026 година. Покрај архитектонската убавина, беа оценети и културното значење, придонесот кон локалната заедница и одржливите решенија.
Версај, кој секоја година ги избира најубавите аеродроми и патнички терминали во светот. На овогодинешниот список се најдоа и целосно нови објекти и аеродроми кои претрпеа значителна реконструкција и модернизација.
При изборот не се оценуваше само изгледот и архитектонските решенија, туку и културната вредност на објектите, нивното општествено значење, како и примената на еколошките и одржливите принципи во проектирањето и работата.
Меѓу наградените згради беше и Терминалот 3 на аеродромот во Франкфурт, кој беше дизајниран по моделот на градските плоштади и улици. Посебен визуелен впечаток оставаат три големи висечки скулптури составени од алуминиумски дискови кои ротираат и создаваат динамичен ефект во ентериерот.
Терминалот 3 на аеродромот Бајун во кинескиот град Гуангжу исто така беше на листата. Овој модерен простор успешно ги комбинира елементите на локалната традиција со современата архитектура. Терминалот е инспириран од природата, изобилен со дневна светлина, зеленило и цветни аранжмани.
Меѓународното жири особено го пофали Терминалот 2 на аеродромот Локприја Гопинат Бордолој во индискиот град Гувахати. Просторот е украсен со дела на локални уметници, додека архитектонските решенија се инспирирани од светите пејзажи и традиционалните стилови на градење на овој дел од Индија.
Друг индиски претставник на листата е Терминалот 1 на меѓународниот аеродром Нави Мумбаи. Неговиот дизајн е инспириран од цветот лотос, а се карактеризира со футуристичка архитектура и најсовремени технолошки решенија.
Соединетите Американски Држави имаат двајца претставници меѓу најубавите аеродроми. Реновираниот аеродром во Питсбург привлече внимание со кровна конструкција чија форма наликува на планинскиот венец Алегени, додека Терминалот 1 на аеродромот во Сан Диего е препознатлив по својата закривена стаклена фасада долга 244 метри, што овозможува многу природно осветлување.
Меѓу седумте најубави аеродромски комплекси во светот за 2026 година беше и Меѓународниот аеродром Течо во главниот град на Камбоџа, Пном Пен, кој се издвои по своите модерни архитектонски решенија и хармонична интеграција во локалната средина.
Овогодинешниот избор покажува дека модерните аеродроми повеќе не се само сообраќајни центри, туку простори што комбинираат архитектура, уметност, култура и одржлив развој, обезбедувајќи им на патниците уникатно искуство уште по пристигнувањето или заминувањето од земјата.