Владата на Норвешка повторно го вклучи во својот буџет проектот за изградба на првиот бродски тунел во светот, „Стад“, кој ќе биде долг околу 1,7 километри, широк 36 метри и висок речиси 50 метри, со длабочина од 12 метри во пловниот канал.
Норвешката крајбрежна администрација потоа објави дека е подготвена да потпише договор со изведувачот и да продолжи со реализацијата на овој проект.
Иако реализацијата на проектот сè уште не е целосно сигурна, неговото враќање на дневен ред доаѓа околу осум месеци откако норвешката влада објави дека се откажува од него поради прекумерни трошоци, пишува The Maritime Executive.