Македонија бележи историски најниска стапка на невработеност од стекнувањето на својата независност, изјави денеска од Штип заменик-министерот за економија и труд, Марјан Ристески. Тој посочи дека бројот на невработени лица во земјава е намален на приближно 86.000, најавувајќи дека следниот таргет на Владата е оваа бројка да се спушти под границата од 80.000.
Во овој момент, забележавме рекордно ниска стапка на невработеност од осамостојувањето на Република Македонија, истакна денеска од Штип заменик-министерот за економија и труд, Марјан Ристески, одговарајќи на новинарски прашања во врска со актуелната состојба со невработеноста во државата.
“Првичната цел беше во текот на првата година да го намалиме овој број под 90.000, а следниот утврден таргет е невработеноста да се спушти под 80.000 лица”, нагласи тој.
Тој додаде дека од вкупно 86.000 или 85.000 невработени лица, значаен дел се ангажирани во земјоделството. Останатите се лица коишто не го завршиле средното образование, а се евидентирани во регистарот на невработени. Оваа категорија ги опфаќа лицата на возраст од 16 до 18 години.
“Бројката, всушност, е многу пониска и се движи околу 40.000–45.000 лица, што претставува 5–6 проценти од работоспособното население во Македонија. Ова значи дека имаме историски најниска стапка на невработеност од кога земјата стана независна”, изјави Ристески
