Ирак не планира да ја напушти Организацијата на земји извознички на нафта (ОПЕК), но ќе продолжи да бара пофер квота за производство во рамките на таа организација, изјави денес ирачкиот премиер Али ал-Заиди.
Тој истакна дека Багдад останува посветен на членството во ОПЕК, но верува дека квотите за производство треба подобро да ги одразуваат производствените капацитети и потребите за развој на Ирак, објави Ројтерс.
Изјавата дојде откако агенцијата во јуни објави, повикувајќи се на добро информирани извори, дека Ирак ја разгледува можноста за напуштање на ОПЕК доколку организацијата не одобри значително зголемување на својата квота за производство.