Во првата половина од годината, според прелиминарните податоци од Министерството за економија, германската влада одобри извоз на оружје и воена опрема за 13,7 милијарди евра, што е значително повеќе отколку во 2025 година.
Од тоа, 9,6 милијарди одат за оружје, а 4,3 милијарди за воена опрема.
Повеќе од три петтини од извозот, или околу девет милијарди, беа одобрени за партнери во Европската Унија и НАТО. Минатата година тој удел беше значително поголем, на 83 проценти, пишува агенцијата ДПА.
Поединечно, најголемиот дел од извозот, во вредност од 2,5 милијарди евра, беше одобрен за извоз во Украина, која Германија ја поддржува во одбрана од Русија со оружје, опрема, пари и на други начини.
Во статистиката, Украина е наведена како една од третите земји, оние кои не се членки ниту на ЕУ ниту на НАТО. Владата одобри извоз во трети земји за вкупно 4,9 милијарди евра пренесува Бизнис.рс.
На второ место меѓу поединечните земји се САД, со 1,6 милијарди евра, по што следат Холандија, Чешка и Литванија. На шесто место е Израел, со одобрени испораки за нешто помалку од 800 милиони евра.
По неа следува Латвија, со околу 500 милиони, по што следат Норвешка, Естонија и Словенија.