Двата силни земјотреси што ја погодија Венецуела на 24 јуни предизвикаа директна материјална штета од околу 19,6 милијарди американски долари, додека вкупните трошоци за реконструкција би можеле да достигнат речиси 50 милијарди долари, објави Светската банка во прелиминарна проценка.
Земјотресите со јачина од 7,2 и 7,5 степени според Рихтеровата скала убија околу 5.000 луѓе, според податоците од венецуелската влада, а повредија речиси 17.000 луѓе, додека околу 18.000 луѓе останаа без покрив над главата, објави Ројтерс.
Најтешко погодени беа северните делови од земјата, вклучувајќи го и главниот град Каракас, каде што беа оштетени станбени згради, инфраструктура и канцелариски згради.