Главниот град Подгорица, како и крајбрежните градови Бар, Пераст и Тиват, се издвојуваат меѓу атрактивните места за пензионирање, заклучува Форбс.
Оваа година, Форбс направи и листа на најдобри места за американски пензионери во странство, на која беше вклучена Црна Гора, како медитеранска земја со одлични плажи и разновидна клима, значително пониски трошоци за живот отколку во САД и задоволителна здравствена заштита.
Форбс ги избра првите 24 земји, од 96 препорачани локации, врз основа на погодностите што ги нудат, трошоците за живот, здравствената заштита, климатските ризици и ставовите кон американските пензионери. Црна Гора беше на оваа листа и минатата година. Сè повеќе Американци се пензионираат во странство во потрага по пониски трошоци, поинаков начин на живот и, честопати, поудобна политичка атмосфера.
Според најновите официјални податоци, кои се однесуваат на крајот на 2024 година, 712 илјади Американци добиле бенефиции од системот за социјално осигурување во странство, што е раст од 20 проценти за 13 години. Истражувањата, сепак, покажуваат дека денес многу повеќе луѓе сериозно размислуваат за таква можност.
Според Форбс, Црна Гора може да се пофали со исклучителни плажи, живописни планини и трошоци за живот кои се половина од оние на САД. Владата е стабилна, а стапката на сериозен криминал е ниска. Здравствената заштита се смета за задоволителна, но многу странци со специфични здравствени потреби одат во Италија или Германија на лекување. Приватното здравствено осигурување е задолжително.
Црна Гора и САД немаат договор за двојно оданочување, но американскиот даночен кредит за даноци платени во странство обезбедува значително олеснување. Највисоката стапка на данок на доход во Црна Гора е само 15 проценти. Патот до постојан престој започнува со поднесување на барање за привремен престој за период од една година, кој може да се продолжи. За да се добие дозвола, потребно е да се докаже дека пензискиот приход надминува околу 19 илјади долари годишно. Наједноставниот следен чекор е купување недвижен имот во Црна Гора.
Главниот град Подгорица, како и крајбрежните градови Бар, Пераст и Тиват, се издвојуваат меѓу атрактивните места за пензионирање, заклучува Форбс.