Годишната инфлација во Бугарија се забави во јули од јунските 5,4 проценти на 4,5 проценти, додека цените се зголемија за 0,8 проценти на месечна основа, според податоците објавени денес од Националниот институт за статистика на земјата.
Забавувањето на годишната инфлација е првенствено резултат на омекнување на растот на цените во клучните сектори, како што се транспортот, каде што е регистриран пад од 16,8 на 14,5 проценти, храната и безалкохолните пијалоци, од 2,4 на 1,2 проценти и услугите во областа на рекреацијата, спортот и културата, од 10,8 на 7,5 проценти.
Покрај храната и транспортот, годишниот раст на цените се забави во угостителството и сместувањето, алкохолните пијалоци и тутунот, здравствената заштита, како и во финансиските и осигурителните услуги.