Американскиот претседател Доналд Трамп изјави дека неговиот состанок со лидерите на компаниите за вештачка интелигенција (ВИ) бил „многу продуктивен и исклучително пријателски“.
Трамп им рече на новинарите по состанокот, кој се одржа вчера во форма на работен ручек со врвни технолошки лидери во Белата куќа, дека компаниите „ќе работат со локалните заедници, особено во центрите за податоци, и ќе работат на тоа заедницата да биде среќна“, објави CNBC.
„Постои верување дека треба да има огромна саморегулација и автоматски имаме регулација со Министерството за правда, ФБИ, сето тоа. Но, саморегулацијата е многу важна“, рече Трамп.