Велика Британија бележи пораст на бројот на нејзините најбогати луѓе кои ја напуштаат земјата во последните две години, а обемот на нивното богатство покажува колку овој тренд може да биде значаен за финансиите на земјата. Милијардерите кои ја напуштија земјата откако лабуристите дојдоа на власт имаат вкупна вредност од 120 милијарди фунти, според анализата на податоците од индексот на милијардери на Блумберг, пренесува Дејли Мејл.
Нивните избрани дестинации ги вклучуваа Швајцарија, Обединетите Арапски Емирати, Монако и Грција, а половина од групата ја напушти земјата неколку недели пред да стапат на сила големите даночни промени во април минатата година. Една од најважните промени беше таканаречениот статус „недомицилен“, кој на одредени богати жители им даде поповолен даночен третман за приходите остварени надвор од ОК.
Најголемото богатство меѓу оние кои ја напуштиле земјата му се припишува на индискиот челичен магнат Лакшми Митал. Минатата година се пресели во Швајцарија и Дубаи, а неговото богатство се проценува на околу 31 милијарда фунти. Шравин Бхарти Митал, чиј дел од семејното богатство се проценува на 18 милијарди фунти, исто така ја напушти Велика Британија. Неодамна беше објавено и дека Крис Рокос, милијардер основач на хеџ-фонд чие богатство се проценува на околу 3 милијарди фунти, се сели во Грција. Неговото заминување привлече особено внимание поради износот на данокот што го плати во ОК. Само минатата година тој платил околу 330 милиони фунти и, според Сандеј Тајмс, бил трет најголем поединечен даночен обврзник во земјата.