Климатските промени и транзицијата кон економија со нето-нулти емисии може да влијаат на растот на инфлацијата и да ги зголемат финансиските ризици, бидејќи нивните последици не влијаат подеднакво врз сите домаќинства, компании и региони, предупредија денес економистите на Европската централна банка (ЕЦБ).
Сушите, поплавите и другите екстремни временски настани можат да ги нарушат синџирите на снабдување и да ги зголемат цените на храната и енергијата, особено погодувајќи ги домаќинствата со пониски приходи, кои трошат поголем дел од својот приход на основни производи.
Долгорочните зголемувања на цените на храната и енергијата може да ја намалат потрошувачката на други стоки и услуги, но исто така да го зголемат притисокот врз растот на платите, според блогот на ЕЦБ.