Европската централна банка (ЕЦБ) има инструменти со кои може да ги стабилизира финансиските пазари доколку се појави потреба, изјави претседателката на ЕЦБ, Кристин Лагард.
На состанокот на министрите за финансии на еврозоната во Луксембург, Лагард зборуваше за движењето на приносите на државните обврзници и го повтори ставот на ЕЦБ дека внимателно го следи функционирањето на финансиските пазари, пренесува Блумберг, повикувајќи се на извори запознаени со дискусиите.
Таа изјави дека ЕЦБ има инструменти за реагирање на неоправдани и нерегулирани пазарни движења што би можеле да го загрозат непреченото пренесување на монетарната политика, со примена на јасно дефинирани критериуми за прифаќање.