На почетокот на неделата Audi пријави пад на продажбата, а во вторник со нешто понеповолни бројки и со слично објаснување се огласи и BMW.
Во третиот квартал, баварскиот гигант, вклучувајќи го матичниот бренд и подружниците како што се Mini и Rolls-Royce, продадоа 551.072 возила на глобално ниво и забележаа пад на продажбата од 6,3 проценти на годишно ниво, пренесува dpa.
Многу поголем пад забележаа Mercedes и групацијата VW.
BMW, како и другите германски производители, го припишаа општиот пад на продажбата на лошото работење во Кина. На најголемиот пазар во светот, BMW продаде 11.355 возила, за една четвртина помалку од минатата година.
Германските брендови се соочуваат со силна конкуренција од домашните компании во Кина. Сепак, BMW го ублажи падот со силен раст на продажбата во Европа со стапка од 37,5 проценти, односно 81.941 возила.
Понатаму, Баварците во САД имаат свои фабрики, па затоа царините наметнати од претседателот Доналд Трамп влијаат помалку врз нив отколку врз германските компании кои исклучиво извезуваат автомобили.
Во САД, BMW ја зголеми продажбата за 2,5 проценти на 106.741 единици. Во првите девет месеци од годината, BMW испорача 1,7 милиони возила, што е за 4,9 проценти помалку отколку во истиот период во 2025 година.
„Успеавме да ја задржиме нашата позиција во Европа и САД, и покрај тешките пазарни услови“, изјави директорот за продажба Јохен Голер со кварталниот извештај.
„Континуираната силна побарувачка за нашите целосно електрични модели, особено, укажува дека сме на вистинскиот пат“, додаде тој.