Претседателката на Европската централна банка (ЕЦБ), Кристин Лагард, изјави дека инфлацијата во еврозоната ќе остане далеку над целното ниво во текот на првата половина од 2027 година, првенствено поради порастот на цените на енергијата, додека во исто време предупреди на последиците од конфликтот на Блискиот Исток и неизвесноста во глобалната трговија што би можела да го забави економскиот раст.
„Гледајќи напред, се очекува повисоките цени на енергијата да ја одржат вкупната инфлација далеку над целната во текот на првата половина од 2027 година, како и постепено да се прелеат на основната инфлација и инфлацијата на цените на храната“, рече Лагард.
Годишната инфлација во Еврозоната се зголеми на 3,8 проценти во септември, главно поради силниот раст на цените на енергијата, додека основната инфлација малку се зголеми на 2,5 проценти.