Јапонската компанија Suntory Holdings Ltd соопшти вчера дека нуди 13,6 милијарди долари во кеш за акциите на американски Beam Inc, јавува Ројтерс.
Целата зделка, заедно со акциите и долгот на Beam, вреди 16 милијарди и треба да се затвори во втората половина од годинава.
Извршниот директор на Beam, Мат Шаток и менаџерскиот тим ќе продолжат да го водат бизнисот од седиштето во близина на Чикаго, велат од компаниите.
Двете компании веќе соработуваат, Suntory ги дистрибуира производите на Beam во Јапонија, а Beam ги дистрибуира производите на Suntory во Сингапур и други азиски пазари.
